'Dardha e ka bishtin mbrapa' tha që Kosova është Serbi, zv/kancelari austriak qënka i dashuruar me bukuroshen serbe | ShqiperiaIme.info
×
Shqiperia ime FALAS - Në Google Play
INSTALO
Të Rekomanduara
'Dardha e ka bishtin mbrapa' tha që Kosova është Serbi, zv/kancelari austriak qënka i dashuruar me bukuroshen serbe
nga B.Marku (13/02/2018 ora 01:11)

Heinz Christian Strache,  zv/kancelari austriak që udhëheq me partinë e ekstremit të djathtë, FPO, i cili bëri bujë në mediat serbe me deklaratën se Kosova është ‘pjesë’ e Serbisë, në vitin 2015  ka qënë i fejuar me këngëtaren serbe Teodora Kunic, vajzën e Suzana Mançicit, e cila u bë e famshme në ish-Jugosllavi si prezantuese e Loto-s.

Informacionet vijnë ndër vite nga mediat për dashurinë e tij për serbët:

Portali austriak “Kosmo” në 14 tetor 2015 shkruante se "kolegët serbë duket se nuk kanë asnjë ide se kush është politikani i njohur austriak. Vërtetë, këmbanat e dasmës do të bien për Teodorën së shpejti, por për Strache-n ato mbeten të heshtura...Shefi i FPÖ ishte vetëm një mysafir në mbrëmjen e fejesës".

Ndërsa, portali “Populismobserver” në 2015 shkruante: " Partia e lirisë e Austrisë dhe mbështetësit e tyre, emigrantët serbë”  sepse " specifike për FPÖ është se ata filluan të kërkonin vota nga emigrantët. Nga emigrantët serbë, më saktësisht. Duke parë Heinz Christian Strache – Kryetarin e FPÖ - me një ruzare lutjesh ortodokse serbe, ky nuk është më një lajm i paparë në Vjenë. Politikanët e FPÖ-së, përfshirë vetë Strache-n, shfaqen shpesh në restorantet dhe klubet e natës serbe, ku ata bëjnë foto para “qebapëve” dhe vallojnë “Turbo-Folkun” serb.

Zeri shkruan se në një emision të njohur satirik në vitin 2010, "Wir Sind Kaiser", Strache tha: "Nuk e kuptoj se nga vjen kjo urrejtje (...). Unë jam një person i ngrohtë dhe nuk urrej. Kur dikush më vlerëson në gjuhën serbe, "Pomozi Bog", i përgjigjem me tri gishta. Unë jam multikulturor".

Ja dialogu:

Moderatori: Ne flasim pak serbisht, apo jo? A flisni edhe serbisht?

Strache: Po disa fjali, mund të them ... ‘Kosova është zemra e Serbisë’, për shembull.

Moderatori: Por ka shumë njerëz me një mendim krejtësisht të ndryshëm.

Strache: Po, ju keni të drejtë.

Moderatori: Çfarë do të thotë juaji?

Strache: Ku ka padrejtësi, unë jam atje për këdo që është kundër saj ... dhe ‘Kosova është zemra e Serbisë’.

Në një video të botuar në internet para zgjedhjeve të 2015, Strache deklaroi: "Serbët janë grupi më i madh i emigrantëve në Austri. Ata janë të integruar shkëlqyeshëm. Ata janë njerëz punëtorë.  E duan shtëpinë e tyre të re dhe qëndrojnë në "shtëpinë" e tyre të re, Austrinë.

Ju sugjerojmë
Më te Lexuarat
" NJOFTIM/ Shikoni që Shqipëria dëmtohet, shikoni që një qytetar është i braktisur, shikoni një ngjarje skandaloze dhe të dhunshme, shikoni probleme që ju shqetësojnë ju apo të tjerët. DENONCO. Vetëm me anë të një mesazhi në WhatsApp ose Viber, duke derguar videon apo foton dhe lajmi juaj do të bëhet publik menjëherë në faqen më të madhe në Shqipëri “Shqipëriaime.al”. Tel :+355693530088 Email: [email protected]